Biznesi
Procedura
Ditari i Tiranės
Dhėnie me qiraPROÇEDURAT E DHËNIES ME QIRA TË PASURIVE TË NDERMARRJEVE, SHOQËRIVE DHE TË INSTITUCIONEVE SHTETËRORE NË BASHKINË E TIRANËS
I. Kategoritë dhe elementet e konkurimit për çdo kategori në dhënien me qira të pasurisë shtetërore
a). Kategoria I, përfshin pasuritë që jepen për veprimtari ekonomike prodhuese.
b). Kategoria II, përfshin pasuritë që jepen për veprimtari të tjera ekonomike, si në shëndetësi,
arsim, kulturë, sport etj.
Për këto dy kategori elementët e konkurimit janë:
- Niveli i investimit
- Niveli i punësimit
- Tarifa e qirasë mujore
c). Kategoria III, përfshin pasuritë që jepen për shërbime si zyra, magazina ose për shërbim
tregtar.
Elementët e konkurimit janë:
- Tarifa e qirasë mujore
II. Elementet e konkurimit për dhënien me enfitoezë të pasurisë shtetërore janë:
- Niveli i investimit, në pasuri të paluajtshme, për përmirësimin e pronës, i cili të jetë mbi
200% e vlerës së objektit
- Qëllimi dhe niveli i investimit në tërësi, në objekt
- Niveli i punësimit
- Tarifa e detyrimit mujor
III. Procedurat e dhënies me qira dhe enfitoezë të objekteve (ndërtesa, trualli i lirë funksional (jo nën ndërtesë); makineritë, paisjet dhe linjat e prodhimit) sipas klasifikimit të tyre në kategori (I, II, III) do të jenë si më poshtë:
a). Për sipërfaqet deri në 200 m2, të cilat nuk i nënshtrohen proçeduarve të konkurimit, drejtuesi i ndërmarjes apo i shoqërisë duhet të bëjë një planifikim, të ambjenteve me sipërfaqet e truallit nën ndërtesë dhe sipërfaqet e truallit të lirë funksional (jo nën ndërtesë), të cilat do të jepen me qira kryesisht një vjeçare, të ndara sipas kategorive.
Drejtuesit e ndërmarrjeve apo shoqërive pasi të kenë përgatitur dokumentacionin e nevojshëm, i cili përmban:
- Propozimin e ndërmarrjes për dhënien me qira , sipas kategorizimit të veprimatrisë
- Gen-planin e objektit, sipërfaqen e truallit nën ndërtesë dhe sipërfaqen e truallit të lirë funksional (jo nën ndërtesë) i kofirmuar nga Urbanistika pranë Bashkise dhe drejtuesi i ndërmarrjes
- Listën e manikerive e paisjeve, linjave teknologjike
- Vlerën dysheme të detyrimit mujor
- Konfirmimin nga Agjensia e kthimit dhe Kompesimit të Pronave
do të lidhin kontratat me subjektin që ofron vlerën më të lartë të qirase për cdo ambjent.
b). Për sipërfaqet mbi 200 m2, të cilat i nënshtrohen proçeduarve të konkurimit, drejtuesi i ndërmarjes apo i shoqërisë duhet të bëjë një planifikim të ambjenteve me sipërfaqet e truallit nën ndërtesë dhe sipërfaqet e truallit të lirë funksional (jo nën ndërtesë), të cilat do të jepen me qira, të ndara sipas kategorive. Lista e ambjenteve të planifikuara, e shoqëruar me gen-planet e miratuara për cdo ambjent duhet dërguar, për miratim nga Këshilli Bashkiak.
Pas miratimit ne Këshillin Bashkiak, njoftimi për botim shpallet 4 herë në Buletinin e Njoftimeve Publike dhe përmban:
- Të dhënat për objektin
- Kategorizimin e veprimtarisë
- Piket vlersuese per elementet e konkurimit
- Dokumentacionin e konkurrenteve
- Vendin, datën, orën
Data e konkurrimit nuk do të jetë më parë se 30 ditë kalendarike nga data e botimit të fundit.
Dokumentacioni për dhënien me qira që duhet të paraqesin subjektet private të interesuara për konkurim është:
- Kërkesa e subjektit
- Planbiznesi për rivënien në funksionim të objektit
- Planin e punësimit dhe të investimit
- Oferten për tarifën mujore te qirasë
- Dokumentacionin ligjor dhe fiskal te subjektit konkurues
- Vërtetimin nga Dega e Tatimeve per shlyerjen e detyrimeve tatimore
- Vërtetim nga dega e doganës apo kontratat e eksportit, kur subjekti kryen eksport
Dorëzimi i dokumentacionit nga subjektet e interesuara për marrjen me qira të pronës publike bëhet pranë organit që ka bërë publikimin, (Bashkia Tirane ) brenda 30 ditëve pas datës së parë të publikimit.
c). Për dhënien me enfiteozë dokumentacioni që duhet të paraqesin subjektet private të interesuara për konkurim është:
- Plan biznesi i hollesishem për përmirësimin e pronës
- Nivelin e investimeve si dhe burimin e financimit
- Oferten per tarifen mujore,
- Cv e subjektit
- Dokumentacionin ligjor dhe fiskal të subjektit konkurues
- Vërtetimin nga Dega e Tatimeve për shlyerjen e detyrimeve tatimore
- Vërtetim nga dega e doganës apo kontratat e eksportit, kur subjekti kryen eksport
Titullari i organit (Kryetari i Bashkisë) vendos subjektin fitues dhe e shpall në këndin e njoftimeve.
Subjektet konkuruese brenda 5 ditëve nga shpallja e fituesit mund të ankohen në lidhje me procedurat e ndjekura.
Titullari i organit (Kryetari i Bashkisë) u përgjigjet ankuesve me shkrim brenda 10 ditësh nga kalimi i afatit të ankesave.
Me mbarimin e afatit të ankimimit hartohet kontrata. Plan biznesi i paraqitur nga subjekti fitues është pjesë përbërse e kontratës.
IV. Përcaktimi i tarifës dysheme për pasuritë shtetërore që jepen me qira ose enfitozë
Tarifa dysheme e detyrimit mujor për pasuritë shtetërore, që jepen me qira ose enfitoezë, caktohet si shumë e tarifës për ndërtesë, truallin e lirë, funksional, linjat teknologjike, makineritë e pajisjet, galeritë etj., si më poshtë vijon:
1. Për ndërtesat:
a). Për sipërfaqen ndërtesë:
- brenda unazës së vjetër të Bashkisë Tiranë jo më pak se 300lek/m2 në muaj;
- jashtë unazës, brenda vijave kufizuese të Bashkisë Tiranë jo më pak se 200lek/m2 në muaj;
b). Për ndërtesat që do të përdoren si zyra, zyra doganore, dyqane “duty free” dhe agjenci shërbimi në aeoroporte dhe dogana jo më pak se 2 500lek/m2 në muaj.
2. Për truallin e lirë, tarifa dysheme e qirasë mujore është 100 lek/m2 në muaj.
3. Për truallin e lirë, funksional, tarifa dysheme e qirasë mujore është 20% e tarifës dysheme të detyrimit mujor, të përcaktuar për ndërtesat. Trualli nën ndërtesë përfshihet në tarifën e qirasë së ndërtesës.
4. Për terrenet sportive tarifa dysheme e qirasë mujore është 50 lek/m2 në muaj, brenda qytetit.
