Shpërndaje
BJCEM - Bienalja e Krijuesve të Rinj të Evropës dhe Mesdheut, është një shoqatë ndërkombëtare me më shumë se 50 anëtarë dhe partnerë në Evropë, Azi dhe Afrikë, të cilët bashkojnë forcat për të bërë të mundur organizimin e një Bienaleje (çdo dy vjet) me pjesëmarrjen e artistëve të rinj që janë nga, ose që punojnë në zonën e Mesdheut, në mënyrë që t'i ndihmojë ata të rriten personalisht dhe profesionalisht.
BJCEM, Sekretariati Shtetëror për Arsim dhe Kulturë, Institutet Kulturore të Republikës së San Marinos, në bashkëpunim me Universitetin e San Marinos, mundësojnë nga tetori 2020 deri në shkurt 2021, organizimin e bienales të titulluar “MEDITERRANEA 19 – SCHOOL OF WATERS”.
Kjo bienale transnacionale do të mbahet në Republikën e San Marinos dhe ditët e hapjes së saj janë: 22 - 25 tetor 2020.
Thirrja për pjesëmarrjen në këtë Bienale është e hapur për artistë, shkrimtarë dhe studiues, nga mosha 18 deri 35 vjeç (të lindur nga 1 janari 1984), që jetojnë dhe punojnë në një nga vendet: Shqipëri, Algjeri, Austri, Bosnje dhe Hercegovinë, Qipro, Egjipt, Francë, Greqi, Itali, Jordani, Liban, Libia, Malta, Mali i Zi, Maroku, Norvegjia, Palestina, Republika e San Marino, Serbia, Siria, Sllovenia, Tunizia, Turqia, Mbretëria e Bashkuar.
BIENALJA “MEDITERRANEA 19” shpalos një ekologji praktikash të afta për të kapërcyer shumëllojshmërinë e hapësirave, në përputhje me specifikat e një shteti të vogël si Republika e San Marinos.
Bashkia e Tiranës si anëtare e shoqatës BJCEM do të përfaqësohet në këtë Bienale me 1(një) artist i cili do të përzgjidhet nga grupi i kuratorëve të Bienales.
AFATI I FUNDIT PËR APLIKIMIN: 26 Janar 2020, ora 20:00 (me orën italiane)
Për të mundësuar aplikimin klikoni këtu.
Për më tepër informacion drejtohuni në adresën elektronike: E-mail: info@tirana.al
Shpërndaje